Rusiyanın mühüm zavodu vuruldu 

Dünənki hücumdan sonra Rusiyanın  İjevskdəki Kupol zavodunda 4 PUA istehsalı sexi zədələnib.

Oxu24.com  xəbər  verir  ki, yerli telegram kanallarının  məlumatına  görə, zavodun fəaliyyəti dayandırılıb.

Regionun fövqəladə hallar xidmətindəki mənbələrindən verilən məlumata görə, dünən İjevskdəki Kupol zavoduna iki PUA-nın zərbəsi nəticəsində pilotsuz təyyarələrin istehsal olunduğu 1-ci korpusun binasına ziyan dəyib.

Dronlardan biri 106 saylı sexin pəncərəsinə, ikincisi isə 110 saylı sexin damına çırpılıb və partlayıb. Nəticədə binanın dam örtüyü dağılıb.

PUA-ların istehsal edildiyi sexlərə ziyan dəyib.

Müəssisənin bu ünvanda yerləşən istehsal sahəsi hərbi pilotsuz təyyarələr üçün mikrosxemlərin hazırlanması və istehsalına cavabdehdir. ASTRA-nın məlumatına görə, onlar orada gecə-gündüz üç növbədə işləyirlər. Hücumdan sonra zavodun fəaliyyəti dayandırılıb.

“Kupol”un 3 əməkdaşı həlak olub, daha 45 nəfər yaralanıb, onlardan 35-i xəstəxanaya yerləşdirilib.

Hücum daha əvvəl Ukrayna Silahlı Qüvvələrinin Baş Qərargahı tərəfindən təsdiqlənib.

"1 saylı meydançada 1 saylı binada dəqiq zərbələr təsdiqlənib. Yanğın qeydə alınıb. Dəymiş ziyanın nəticələri dəqiqləşdirilir", - idarədən bildiriblər.

“Kupol” İjevsk Elektromexanika Zavodu 1957-ci ildə yaradılan Rusiya müdafiə sənayesinin ən iri müəssisələrindən biridir. O, Tor-M2E hava hücumundan müdafiə raket kompleksini, həmçinin “Saman-M1” və “Adyutant” hədəf təlim sistemlərini istehsal edir və onlara texniki xidmət göstərir”, - deyə müəssisənin direktoru Fanil Ziyatdinov “Rossiyskaya Qazeta”ya müsahibəsində bildirib.

Rusiyanın Ukraynaya təcavüzü başlayandan sonra, 2023-cü ilin iyulunda, Reuters-in məlumatına görə, zavod Çindən gələn mühərriklər və komponentlərdən istifadə edərək Harpia-A1 hücum dronları istehsal etməyə başladı.

Kupol zavodu Avropa İttifaqı, ABŞ, Kanada, Ukrayna və İsveçrənin sanksiya siyahısına daxildir.

Miri

Həmçinin oxuyun

TƏCİLİ! Azərbaycan onları beynəlxalq axtarışa verib

Sürücülərə vacib xəbər:Avqustun 18-dən etibarən...

Azərbaycanda ağır qəza:4 nəfər öldü

SON DƏQİQƏ! DİN əməliyyat keçirib:Tutulanlar var