Qaynar xətt:

(+99450) 247 90 86

Ermənistanda rus dondurması qadağan edilib

DÜNYA

111

02.07.2025, 16:54

İyulun 2-dən Ermənistanda 2025-ci il martın 7-də istehsal olunmuş “Fabrika Realnogo Morozenogo” MMC-nin (“Korovka” ticarət markası) istehsalı olan “Vanilli Şokolad-Kremli Eskimo Plombir in Glaze” adlı dondurma partiyasının idxalına müvəqqəti qadağa qoyulub.

Oxu24.com   xəbər   verir  ki, Ermənistan Qida Təhlükəsizliyi Müfəttişliyinin məlumatına görə, qadağa qərarı bu məhsulun təhlükəsizliyi ilə bağlı risklərin qiymətləndirilməsi əsasında qəbul edilib.

Qadağa göstərilən gündə istehsal olunan dondurma partiyasına şamil edilir və yalnız bu il iyulun 2-dən sonra edilən idxala aiddir. Daha əvvəl idxal olunan məhsullara məhdudiyyət qoyulmur.

Laboratoriya müayinələrinin nəticələrinə əsasən müəyyən edilib ki, bu partiya (bağlamanın çəkisi - 100 qram, saxlama müddəti - 18 ay) Gömrük İttifaqının koliform bakteriyaların göstəricisi üzrə texniki reqlamentinin tələblərinə cavab vermir.

Agentlik həmin məhsulların bazardan çıxarılması, satışının qadağan edilməsi, habelə onların məcburi utilizasiyası və ya məhv edilməsi barədə göstəriş verib.

Nigar