Milyar dollarlıq F-35 qalmaqalı: "ABŞ bizi aldatdı"  

İsveçrə ilə ABŞ arasında F-35 böhranı yaşanıb.

Oxu24.com  xəbər  verir   ki, Fransanın "Le Monde" qəzeti İsveçrənin 2022-ci ildə müqavilə imzaladığı 36 ədəd F-35 döyüş təyyarəsi üçün əlavə xərcinin milli qalmaqala çevrildiyini yazıb.

 İsveçrənin alacağı döyüş təyyarələrinin 2022-ci ildə elan edilən 6 milyard İsveçrə frankı qiymətindən çox olacağı qeyd edilib.

Həmçinin İsveçrə hökumətinin son zamanlar ABŞ tərəfindən aldadıldığına işarə etdiyi və 19 sentyabr 2022-ci il tarixində paraflanan müqavilədə sabit qiymətin olduğunu müdafiə etdiyi bildirilib.

Xəbərdə F-35-lərin 2027-2030-cu illər arasında mərhələli şəkildə İsveçrə ordusuna təhvil veriləcəyi və bu günə qədər mövzuya səssiz qalan ABŞ rəhbərliyinin "sabit qiymət"lə bağlı anlaşılmazlıq olduğunu da dilə gətirdiyi bildirilib.

Aylarla davam edən söz-söhbətlərdən sonra İsveçrənin müdafiə naziri Martin Pfisterin iyunun 25-də sözügedən F-35-lərin alınmasının vergi ödəyicilərinə əlavə 1 milyard İsveçrə frankı bahasına başa gələ biləcəyini etiraf etmək məcburiyyətində qaldığı bildirilib. Vurğulanıb ki, bu vəziyyət sabit qiymət məsələsinin əslində yalnız bu təyyarənin seçimini məcbur etmək istəyənlərin beynində mövcud olduğunu qəbul etmək deməkdir.

Bəzi müşahidəçilərin F-35 üçün ödəniləcək əlavə xərcin ikiqat artırıla biləcəyini düşündüyü və bu həssas mövzunun yenidən gündəmə gəldiyi bildirilib.

 İsveçrənin hava qüvvələri pilotlarının seçdiyi Fransız Rafale döyüş təyyarələri yerinə F-35-lərə üstünlük verməsindən bəri müzakirələrin davam etdiyi, İsveçrəli millət vəkili Pierre-Alain Fridezin tender prosesinin Amerika təyyarəsinin lehinə saxtalaşdırıldığını irəli sürən bir çox elementin olduğunu bildirdiyi bildirilib.

Fridezin təyyarə seçimində müəyyən edilən kriteriyaların yalnız F-35-ə uyğun hazırlandığını və "sabit qiymət" mifinin daha bahalı F-35-in Rafale-ə üstünlük verilə bilməsi üçün icad edildiyini söylədiyi bildirildi.

Millət vəkili bu təyyarələrin seçimi zamanı çoxsaylı şəffaflıq qaydalarının pozulduğunu və bu vəziyyətin əsl dövlət qalmaqalı olduğunu da bildirib.

Miri

Həmçinin oxuyun

TƏCİLİ! Azərbaycan onları beynəlxalq axtarışa verib

Sürücülərə vacib xəbər:Avqustun 18-dən etibarən...

Azərbaycanda ağır qəza:4 nəfər öldü

SON DƏQİQƏ! DİN əməliyyat keçirib:Tutulanlar var