Pentaqon Ukraynaya tədarükünü dayandırıb

DÜNYA

126

02.07.2025, 15:02

ABŞ Müdafiə Nazirliyi prezident Donald Trampa Ukraynaya hərbi yardım variantları təqdim etməkdə davam edir, departamentin fikrincə, ABŞ-ın özünün müdafiə qabiliyyətinə təsir etməyəcək.

Oxu24.com xəbər verir ki, bu barədə Axios-a müsahibəsində müdafiə nazirinin siyasət məsələləri üzrə müavini Elbridge Kolbi bildirib.

“Müdafiə Nazirliyi Ukraynaya hərbi yardımın davam etdirilməsi üçün prezidentə etibarlı variantlar təqdim etməyə davam edir”, - deyən Kolbi, Pentaqonun yanaşmasının daim nəzərdən keçirildiyini və eyni zamanda Kiyevə dəstək vermək və ABŞ Ordusunun döyüş hazırlığını saxlamaq üçün uyğunlaşdırıldığını bildirib.

Lakin bu bəyanatlar fonunda daha əvvəl məlum olmuşdu ki, Pentaqon Ukraynaya əsas silah növlərinin tədarükünü müvəqqəti olaraq dayandırıb. Söhbət “Patriot” hava hücumundan müdafiə sistemləri, yüksək dəqiqlikli artilleriya döyüş sursatları, “Hellfire” və “GMLRS” raketləri, həmçinin Ukrayna Hərbi Hava Qüvvələrinin istifadə etdiyi “yer-hava” və “hava-hava” tipli raketlərdən gedir.

Bu qərarı ABŞ-ın öz ehtiyatlarının vəziyyəti ilə bağlı narahatlıqlar fonunda müdafiə naziri Pit Heqset verib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

“The New York Times” yazır ki, tədarüklərdəki fasilə bir neçə ay davam edə bilər və Pentaqonun bütün xarici hərbi dəstək sisteminə baxışının nəticələrinə görə baş verib. Mənbələrin bildirdiyinə görə, ABŞ öz maraqlarını prioritetləşdirmək və dünyanın digər bölgələrində baş verə biləcək fövqəladə hallara hazır olmaq prinsipindən çıxış edir.

Ağ Ev bildirib ki, dayandırılması yardımdan imtina deyil, strateji tarazlıq istəyini əks etdirir. Lakin indiki mərhələdə bu pauzanın davam edən genişmiqyaslı hərbi əməliyyatlar fonunda Ukrayna ordusunun döyüş hazırlığına necə təsir edəcəyi hələ aydın deyil.

Nigar