Qaynar xətt:

(+99450) 247 90 86

Rusiyada güclü qasırğa: 20 mindən çox adam...

DÜNYA

367

30.06.2025, 17:25

Rusiyanın  Pskov vilayətində qasırğa nəticəsində 20 mindən çox insan işıqsız qalıb.

Oxu24.com  xəbər  verir   ki, bu barədə vilayətin qubernatoru Mixail Vedernikov özünün Telegram kanalında məlumat verib.

"Hazırda bərpa işləri aparılır, lakin 20 mindən çox insan hələ də işıqsız qalıb. Külək səngimir və bu, təbii ki, mütəxəssislərin işini çətinləşdirir", - məlumatda deyilir.

400-dən çox mütəxəssisin daxil olduğu 144 təcili yardım briqadası pis hava şəraitinin nəticələrinin aradan qaldırılması üçün çalışır. Bundan əlavə, Leninqrad, Voloqda və Arxangelsk vilayətlərindən, həmçinin Kareliyadan daha 26 komanda göndərilir.

Ötən həftə Primoryedə 7,5 minə yaxın insan işıqsız qalıb. Energetiklər Primorsk diyarının Lazovski rayonunda elektrik avadanlıqlarının nasazlığını qeydə alıblar. Rayonun bütün istehlakçıları işıqsız qalıb.

Uzun sürən leysan yağışları və güclü külək nəticəsində avadanlıqlar sıradan çıxıb.

Bundan əvvəl Hidrometeorologiya Mərkəzi demək olar ki, bütün ölkə ərazisində güclü yağıntıların olacağı barədə məlumat vermişdi.

Nigar