İsrail İranı vurmağı belə planlaşdırıbmış

news/2025_06_13/iran_israel_1749807156.webp

DÜNYA

176

27.06.2025, 12:05

İsrail hələ 2024-cü ilin noyabrında İrana hücuma hazırlaşmağa başlayıb və hədəflərin tam siyahısı həmin vaxt müəyyən edilib.

Oxu24.com xəbər verir ki, bu barədə “The Wall Street Journal” (WSJ) İsrail və Amerika kəşfiyyatındakı mənbələrə istinadən məlumat yayıb.

Nəşrin məlumatına görə, ötən ilin noyabrında hakimiyyət İsrail Müdafiə Qüvvələrinin (IDF), İsrail Hərbi Hava Qüvvələri komandanlığının və kəşfiyyatının 120 yüksək rütbəli nümayəndəsinin iştirakı ilə gizli iclas keçirib.

İclasdan sonra İranın 250 nüvə proqramı obyekti və hərbi infrastrukturunun, eləcə də ayrı-ayrı şəxslərin siyahısı təsdiq edilib.

İyunun 13-də İsrail İrana qarşı “Yüksək Aslan” adlı hərbi əməliyyata başlayıb. Kütləvi hücumda 200-dən çox təyyarə iştirak edib, nüvə obyektlərinə (Natanz, İsfahan, Fordo), hərbi bazalara və silahların hazırlanması mərkəzlərinə zərbələr endirib.

İranın yüksək rütbəli generalları və nüvə alimləri də sıradan çıxarılıb. İsrail əməliyyatı Tehranın nüvə silahı yaratmasının qarşısının alınmasının zəruriliyi ilə izah edib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Elə həmin axşam İran İsrailin Təl-Əviv, Hayfa, Beerşeba və digər şəhərlərinə yüzdən çox pilotsuz uçan aparat və ballistik raketlər ataraq “Doğru vəd 3” əməliyyatını elan etdi.

İyunun 22-nə keçən gecə ABŞ açıq şəkildə İsrail və İran arasında hərbi münaqişəyə girdi: onlar İranın üç nüvə obyektini vurdular: Fordo, Natanz və İsfahan. ABŞ prezidenti Donald Tramp xalqa müraciət edib: o, zərbənin məqsədinin İranın uranı zənginləşdirmə obyektlərini məhv etmək və nüvə təhlükəsinə son qoymaq olduğunu bildirib.

İyunun 24-nə keçən gecə Tramp İran və İsrailin atəşkəs rejiminin tətbiqi ilə bağlı razılığa gəldiyini açıqlayıb. Onun sözlərinə görə, qüvvəyə mindikdən sonra dünya “12 günlük müharibənin rəsmi başa çatmasını” alqışlayacaq.

Bundan əvvəl İran ABŞ və İsrailin nüvə proqramını məhv etmək cəhdlərinin nədən ibarət olduğunu açıqlamışdı.

Miri