Qaynar xətt:

(+99450) 247 90 86

Rubio ABŞ kəşfiyyatı ilə razılaşmır

DÜNYA

94

25.06.2025, 11:47

ABŞ dövlət katibi Marko Rubio deyib ki, ABŞ-ın İranın nüvə obyektlərinə hava zərbələri endirdikdən sonra ölkə “nüvə silahı yaratmaqdan çox uzaqdır”.

Oxu24.com xəbər  verir   ki, Rubio bu barədə “Politico”ya müsahibəsində bildirib.

"Onlar bu gün nüvə silahı yaratmaqdan yaratmaqdan Prezident Trampın bu cəsarətli addımı atmasından əvvəl olduğundan daha çox uzaqdadırlar. Bir sıra müxtəlif komponentlərə ciddi ziyan dəyib. Onların bu gün nüvə silahını sürətlə yaratmaq üçün bir həftə əvvəl olduğundan daha az imkanları var", deyə  o qeyd edib.

Bununla belə, CNN daha əvvəl məlumat vermişdi ki, ABŞ kəşfiyyatının məlumatına görə, İrana endirilən zərbələr İslam Respublikasının nüvə proqramının əsas komponentlərini məhv etməyib.

Mənbələrin sözlərinə görə, hücum İranın nüvə bombası yaratmaq imkanını yalnız bir neçə ay gecikdirib. ABŞ Müdafiə Kəşfiyyat Agentliyi (DİA) öz qiymətləndirmələrində İranın zənginləşdirilmiş uran və sentrifuqa ehtiyatlarının məhv edilmədiyini qeyd edib.

Rubio bu iddiaları yalan sayaraq, tam mənzərəni əks etdirmədiklərini qeyd edib.

Nigar