Qaynar xətt:

(+99450) 247 90 86

Ermənistanda arxiyepiskopu terrorda ittiham ediblər

DÜNYA

68

25.06.2025, 10:27

Ermənistan İstintaq Komitəsi müxalifətin “Müqəddəs mübarizə” hərəkatının lideri arxiyepiskop Baqrat Qalstanyan və onun tərəfdaşlarını hakimiyyəti ələ keçirmək məqsədi ilə terror aktları hazırlamaqda ittiham edib.

Oxu24.com  xəbər verir   ki, bu barədə idarənin saytında məlumat verilib.

Qeyd olunur ki, ötən ilin noyabrından arxiyepiskop Ermənistanda ölkə konstitusiyasının icazə vermədiyi şəkildə hakimiyyət dəyişikliyinə nail olmağa çalışır.

Bu məqsədə çatmaq üçün əvvəllər hərəkatın bəzi iştirakçılarının razılığını alaraq, guya din xadimi lazımi vasitə və alətlər əldə etmiş, həm də qəsdən münasib şərait yaratmışdır.

Həmçinin “Müqəddəs mübarizə”nin Telegram kanalında bildirilib ki, iyunun 25-də səhər tezdən hüquq-mühafizə orqanlarının əməkdaşları hərəkat tərəfdarlarının mənzillərində, eləcə də Qalstanyanın evində axtarışlar aparıblar.

İyunun 24-də Ermənistanın baş naziri Nikol Paşinyan civic.am onlayn resursunun nəşrinə istinadən ölkədə hakimiyyəti dəyişmək üçün müxalifətin müəyyən planının olduğunu açıqlayıb. Müxalifətçilər siyasətçinin bəyanatını lağa qoyub, dərc olunan “planı” saxta adlandırıblar.

Bundan əvvəl ABŞ-dakı erməni diasporu Paşinyanı diktator adlandırmışdı.

Nigar