Qaynar xətt:

(+99450) 247 90 86

ABŞ Ali Məhkəməsi miqrantların üçüncü ölkələrə deportasiyası haqqında qanun layihəsini səsə qoyub

DÜNYA

110

24.06.2025, 16:56

“The Washington Post” xəbər verir ki, ABŞ Ali Məhkəməsi Donald Tramp administrasiyasına müvəqqəti olaraq miqrantları vətəndaşı olmayan ölkələrə deportasiya etməyə icazə verib.

Nəşr qeyd edir ki, bu qərar Massaçusets ştatından olan federal hakimin miqrantlara qovulmazdan əvvəl deportasiyaya etiraz etmək imkanı verilməsini tələb edən əvvəlki qərarını bloklayıb.

ABŞ Ali Məhkəməsində altı hakim təşəbbüsün lehinə, üç hakim isə əleyhinə səs verib. Onlar fərqli fikirlərində Tramp administrasiyasını məhkəmə qərarını pozduğuna və ABŞ Dövlət Departamentinin təhlükəli hesab etdiyi ölkəyə insanları göndərdiyinə görə tənqid ediblər.

Bundan əvvəl Tramp İmmiqrasiya və Gömrük Mühafizəsini (ICE) Los-Anceles, Çikaqo və Nyu-Yorkdan qeyri-qanuni miqrantları daha aktiv şəkildə deportasiya etməyə çağırmışdı.

ABŞ prezidenti bildirib ki, o, administrasiyaya bütün səyləri kütləvi miqrasiya dalğasını “ters çevirmək” üçün yönəltməyi tapşırıb. Siyasətçinin fikrincə, miqrasiya “bir vaxtlar qeyri-adi şəhərləri Üçüncü Dünya distopiyaları üçün məkana çevirib”.

Bundan əvvəl Avropa ABŞ-dan olan miqrantları qəbul etməyə hazır olduğunu bəyan edib.

Nigar