Slovakiya və Macarıstan Rusiya əleyhinə yeni sanksiyalar paketini bloklayır

DÜNYA

146

23.06.2025, 15:44

Macarıstan və Slovakiya xarici işlər nazirlərinin Brüsseldə keçirilən görüşündə 18-ci anti-Rusiya sanksiyalar paketinin qəbulunu dəstəkləməyib.

Oxu24.com xəbər verir ki, bu barədə Macarıstanın xarici işlər naziri Peter Szijjarto bildirib.

Szijjarto qeyd edib ki, Aİ ölkələri Brüsselin Rusiyadan enerji idxalını tədricən dayandırmaq planlarına cavab olaraq sanksiyaların qarşısını alıb.

“Bu gün Slovakiya və mən 18-ci sanksiyalar paketinin qəbulunun qarşısını aldıq, çünki bu halda Macarıstan və Slovakiya da daxil olmaqla Aİ ölkələrinə Rusiyadan təbii qaz və ucuz neft almaq qadağan olunacaq”, o, jurnalistlərə bildirib.

Bu gün Brüsseldə Aİ ölkələrinin daimi nümayəndələrinin görüşü keçirilir və Rusiyaya qarşı yeni sanksiyalar paketi müzakirə olunur. 18-ci paketin hazırlanması təklifi Avropa Komissiyası tərəfindən irəli sürülüb. Paket Rusiyanın “Şimal axını 1” və “Şimal axını 2” qaz kəmərlərinə məhdudiyyətlərin daxil edilməsini, o cümlədən Rusiya neftinin qiymətinin bir barel üçün 60 dollardan 45 dollara endirilməsini təklif edir. Rusiyanın kölgə tanker donanmasını təşkil edən daha 77 gəmi də sanksiyalara məruz qala bilər.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Mayın 20-də Aİ Rusiyaya qarşı 189 gəmi, 75 fiziki və hüquqi şəxs, o cümlədən Surgutneftegaz, Rostec, Stan holdinq, VSK sığorta şirkəti, Atlas Mining qızıl mədən şirkəti və KAMAZ-ın baş direktoru Sergey Koqoqin daxil olmaqla Rusiyaya qarşı 17-ci sanksiyalar paketini təsdiqləyib.

Nigar