Rusiya İrana yardım edəcək?

Rusiyanın İran-İsrail münaqişəsində İrana hərbi və digər yardımlar göstərməyə hazır olması İran tərəfinin Moskvadan hansı xahişlə çıxış etməsindən asılı olacaq.

Oxu24.com  xəbər  verir    ki, bunu “Kommersant”ın sualını cavablandıran Rusiya prezidentinin mətbuat katibi Dmitri Peskov deyib.

Kreml nümayəndəsi Rusiyanın İrana hava hücumundan müdafiə sistemləri, məsələn, S-300 və ya S-400 sistemləri verməyə hazır olub-olmadığı sualına cavab verməyib.

"Hər şey İran tərəfi və iranlı dostlarımızın nəyi müzakirə edəcəyindən asılıdır. Bu gün İran Xarici İşlər Nazirliyi təmaslar keçirəcək, burada dramatik gərginlikdən sonra biz fikir mübadiləsi apara biləcəyik və İran tərəfi bu vəziyyətlə bağlı öz mövqeyini bizə çatdıra biləcək", - Peskov Rusiyanın İsraillə münaqişədə hərbi dəstək də daxil olmaqla İrana dəstək vermək niyyətində olub-olmaması ilə bağlı sualı cavablandırarkən deyib.

O, həmçinin bildirib ki, ABŞ-ın İrandakı nüvə obyektlərinə zərbələr endirməsi Moskva və Vaşinqton arasında ikitərəfli dialoqa təsir etməyəcək, çünki bunlar müstəqil proseslərdir.

Peskov əlavə edib ki, Rusiya və ABŞ prezidentləri Vladimir Putin və Donald Tramp son söhbətlərində İsrail və İran arasındakı münaqişə məsələsini dəfələrlə müzakirə ediblər, lakin Amerika lideri rusiyalı həmkarına İslam Respublikasına zərbə endirmək niyyəti barədə məlumat verməyib.

“Heç bir təfərrüatlı məlumat yox idi”, - Kreml sözçüsü bildirib. “İran mövzusu prezidentlər tərəfindən son danışıqlarda dəfələrlə müzakirə olunub, Rusiya müəyyən təkliflər səsləndirib, lakin bu barədə birbaşa ətraflı məlumat olmayıb”, - Peskov əlavə edib.

Həmçinin oxuyun

Ədliyyə Nazirliyində mühüm vəzifələr  boş qalıb — Təyinatları gecikdirən SƏBƏBLƏR  NƏDİR?  

Azərbaycan-Ermənistan münasibətlərində YENİ MƏRHƏLƏ  - Politoloq gözləntiləri AÇIQLADI 

Qurban Qurbanovun toyunu görün hansı müğənni oxuyubmuş  - AÇIQLAMA 

Kamran Əsədovla bağlı daha bir ŞOK: İllər öncə də belə edibmiş  

Eyni zamanda, onun sözlərinə görə, Rusiya Yaxın Şərqdə münaqişə iştirakçılarının sayının genişlənməsi ilə bağlı dərin təəssüf hissi keçirir və Amerikanın İrana zərbələrini pisləyir.

"Bu münaqişənin iştirakçılarının sayında artım, regionda gərginliyin yeni eskalasiya mərhələsi baş verib", - Kreml sözçüsü bildirib. “Və təbii ki, biz bunu pisləyir və bununla bağlı dərin təəssüf hissi keçiririk”.

Peskov qeyd edib ki, ABŞ-ın İrandakı nüvə obyektlərinə zərbələri nəticəsində yaranan radiasiya təhlükəsi qiymətləndirilməlidir. “Biz, əlbəttə ki, bu nüvə obyektlərinə nə baş verdiyini və radiasiya təhlükəsinin olub-olmadığını öyrənəcəyik. Baxmayaraq ki, biz MAQATE-nin bəyanatlarını eşitmişik ki, hazırda radiasiya ilə çirklənmə əlamətləri yoxdur”. “Bunların hamısı qanuni narahatlıq doğurmaya bilməyən suallardır”, o əlavə edib.

Nigar