Antarktidadan gələn qeyri-adi radio siqnalları: Heç kim nə baş verdiyini bilmir

Alimlər Antarktida buzlaqlarının altından gəldiyi düşünülən müəmmalı radio siqnalları qeydə alıb. Ən qəribə məqam isə bu siqnalların nə olduğu ilə bağlı heç bir fikrin olmamasıdır.

Oxu24.com xəbər verir ki, stratosfer qatına göndərilmiş bir hava şarı vasitəsilə Antarktida üzərində ölçmə aparan elmi qrup, şarın üzərində yerləşdirilmiş cihazlarla qəribə radio siqnalları aşkarlayıb.

Xüsusilə, üfüq xəttinin altından – yəni buzlaqların dərinliklərindən gəldiyi qeyd edilən iki "anormal” radio siqnalı elmi camiədə böyük maraq doğurub. Hesablamalara görə, bu radio siqnallarının qeydə alına bilməsi üçün onların 6.000–7.000 kilometr qalınlığında süxur təbəqəsindən keçməsi tələb olunur ki, bu da mövcud hissəcik fizikası qanunlarına görə olduqca çətin bir ssenaridir.

Tədqiqatçılar bu siqnalların neytrinolarla əlaqəli olmadığından şübhələnir və digər tanınmış hissəciklərin də mümkün səbəb olaraq istisna edildiyini bildirirlər. Hələlik bu müəmmalı siqnalların mənbəyi ilə bağlı dəqiq açıqlama verilməsə də, bu kəşfin tamamilə yeni bir fizika sahəsinin əsasını qoya biləcəyi ehtimalı irəli sürülür.

Həmçinin oxuyun

Sürücü sükan arxasında öldü, maşın qəzaya düşdü - Foto 

Aktrisamız VƏFAT ETDİ 

Yeni təyinatlar BAŞ TUTUB  - ADLAR 

Prezident sərəncam imzaladı 

"IceCube” təcrübəsi və "Pierre Auger” rəsədxanası kimi digər neytrino müşahidə mərkəzlərindən alınan məlumatları incələyən qrup, eyni şəkildə yuxarı istiqamətdə hərəkət edən hissəciklərə rast gəlmədiklərini və balonun qeydə aldığı siqnalları izah edə biləcək heç bir sübut tapmadıqlarını açıqlayıb.

Alimlər bu anomal hadisələrin kainatın iş prinsipləri ilə bağlı mövcud anlayışımızı dəyişdirmə potensialına sahib olduğunu da vurğulayırlar.

Bu tapıntılar, Antarktikanın yalnız coğrafi baxımdan deyil, həm də elmi kəşflər baxımından da dərin sirrlərə sahib olduğunu bir daha təsdiqləyir. Qeyri-adi radio siqnallarının arxasındakı həqiqətin ortaya çıxarılması hissəcik fizikası və kosmologiya sahələrində əhəmiyyətli irəliləyişlərə yol aça bilər. Tədqiqatlar davam etdikcə, dünyanın müxtəlif ölkələrindən olan alimlər bu nadir fenomeni böyük maraqla izləyirlər.Qaynarinfo