Qaynar xətt:

(+99450) 247 90 86

ABŞ-ın Yaxın Şərqdəki hərbçilərinin sayı kəskin şəkildə artır

DÜNYA

125

18.06.2025, 15:05

ABŞ-ın Yaxın Şərqdəki bazalarında yerləşdirilən Amerika hərbçilərinin sayı hazırda təxminən 40.000-dir ki, bu da adətən 30.000-ə yaxın olan standart mövcudluq səviyyəsini əhəmiyyətli dərəcədə üstələyir.

Oxu24.com  xəbər  verir   ki, bu barədə Pentaqondakı mənbələrə istinadən ABC News məlumat yayıb.

Kanalın mənbələrinə görə, qoşunların sayında analoji artım 2024-cü ilin oktyabrında, Fələstinin HƏMAS radikal hərəkatının liderləri İsmayıl Haniyə və Livandakı Hizbullah qruplaşmasının rəhbəri Həsən Nəsrullahın ləğvinə cavab olaraq İranın İsrailə zərbə endirməsindən sonra qeydə alınıb. Daha sonra bölgədə ümumi eskalasiya və Yəmən husilərinin hücumlarının artması fonunda bölgədəki Amerika hərbçilərinin sayı 43 min nəfərə çatıb.

ABC News-un məlumatına görə, Amerikanın Yaxın Şərqdəki bazaları hazırda yüksək hazırlıq vəziyyətindədir və əlavə təhlükəsizlik tədbirləri görür. Xüsusilə mülki şəxsi heyətin və hərbçilərin ailə üzvlərinin könüllü təxliyə proqramına başlanılıb. Eyni zamanda, telekanalın mənbələri hələlik kütləvi köçün müşahidə olunmadığını bildirilir.

Regionda eskalasiya İsrailin iyunun 13-nə keçən gecə İranın nüvə infrastrukturuna qarşı başlatdığı “Yüksələn Aslan” əməliyyatı ilə bağlıdır. Bir gün sonra İran İsrail obyektlərinə zərbələr endirməklə cavab verdi. Sonrakı günlərdə tərəflər arasında hücumlar davam edirdi. Hər iki ölkə itkilər və xəsarətlər barədə məlumat verib, həmçinin zərərin məhdud olduğunu bildirsələr də, bir sıra obyektlərin vurulduğunu təsdiqləyib.

Nigar