Qaynar xətt:

(+99450) 247 90 86

 Aİ Rusiya qazına olan kranı daimi olaraq “bağlayacaq”

DÜNYA

110

17.06.2025, 22:21

Avropa Komissiyasının (AK) Rusiya qazından imtina strategiyası “kranı əbədi olaraq bağlayır”.

Oxu24.com  xəbər  verir   ki, bu barədə Aİ diplomatiyasının rəhbəri Kaja Kallas X sosial şəbəkəsində (keçmiş Twitter) bildirib.

"Biz kranı həmişəlik bağlayırıq. Rusiya artıq enerjidən bizə qarşı silah kimi istifadə edə bilməyəcək", - o qeyd edib.

Kallas əlavə edib ki, Avropa artıq "asılılığını əhəmiyyətli dərəcədə azaldıb".

Bundan bir qədər əvvəl bildirilmişdi ki, Avropa Komissiyası 2027-ci ilin sonuna qədər Aİ ölkələrinə Rusiyadan qaz almağı tamamilə qadağan etməyi təklif edib. AK həmçinin Aİ ölkələrinə 2026-cı ildən Rusiyadan qaz tədarükü üçün qısamüddətli, 2027-ci ilin sonuna qədər isə uzunmüddətli müqavilələr bağlamağı qadağan etməyi təklif edib. 

İyunun 16-da Macarıstan və Slovakiya Avropa Komissiyasının Rusiyanın enerji resurslarından tamamilə imtina edilməsini nəzərdə tutan planına veto qoyub.

Macarıstanın xarici işlər naziri Peter Szijjarto da xatırladıb ki, Budapeşt hazırda Ukraynaya elektrik enerjisinin 40%-dən çoxunu verir. Lakin onun sözlərinə görə, ölkə Rusiya enerjisindən kəsilərsə, resursun ixracını dayandıra bilər.

Bundan əvvəl Dövlət Duması Rusiya qazı olmasa, Avropanın fəlakətlə üzləşəcəyini bildirmişdi.

Nigar