NATO artıq Ukraynaya nə tədarük etdiyini açıqlamayacaq

NATO Rusiyanın hərbi əməliyyatlar planlamasını çətinləşdirmək üçün Ukraynaya silah tədarükünün təfərrüatlarını açıqlamağı dayandıracaq.

Oxu24.com  xəbər  verir   ki, bu barədə “The Moscow Times”a NATO-nun üç ölkəsinin 24-26 iyun tarixlərində Haaqada keçiriləcək hərbi alyans sammiti öncəsi anonimlik şərti ilə nümayəndələri bildiriblər.

Bundan əvvəl Almaniya Fridrix Mersin yeni kansler seçilməsindən sonra oxşar addım atmışdı. Almaniya hökuməti Ukraynaya uzaqmənzilli “Taurus” raketlərinin tədarükü ilə bağlı məlumatları açıqlamamaq qərarına gəlib və sonradan hərbi dəstəklə bağlı bütün məlumatları məxfiləşdirib.

"Əvvəlcə hər şeyi dərc edirdik. Sonra özümüzdən soruşduq: niyə? Biz hətta raketlərin və sursatların sayını da göstərdik. Sonda başa düşdük ki, bu, alman cəmiyyətinə deyil, Putinə kömək edir", - alman diplomatlardan biri deyib.

Mənbələrin The Moscow Times-a verdiyi məlumata görə, NATO-da Rusiyanın alyansın informasiya açıqlığından istifadə etməsi ilə bağlı narahatlıq artır.

"Mətbuat konfranslarında müzakirə edilən və ya deyilən hər şey, demək olar ki, real vaxt rejimində Telegram xəbər lentlərində görünür. "Görünür, onlar bunu bizim öz mediamızdan daha yaxından izləyirlər", - alyansın aparıcı ölkələrindən birinin nümayəndəsi bildirib.

Onun sözlərinə görə, müdafiə və xarici işlər nazirləri arasında uzun sürən danışıqlar Rusiya dövlət mediasının xüsusi marağına səbəb olub. Onlar Ukraynanın müdafiə naziri Rustem Umerovla görüşü izləməyə xüsusi həvəslə yanaşıblar, bundan sonra NATO-nun 2025-ci il üçün Ukraynaya 20 milyard avro hərbi yardım ayırması ilə bağlı qərarı məlum olub.

“TASS və RİA Novosti lentləri müzakirələrin təfərrüatları ilə dolu idi”, - mənbə bildirib.

Başqa bir mənbə isə bildirir ki, Rusiya telekanalları öz flaqman proqramlarında NATO nazirlərinin bəyanatlarını fəal şəkildə təhlil edir, onları Moskvaya sərfəli şəkildə şərh edir.

Kreml ən əhəmiyyətsiz epizodları belə qalmaqal və münaqişələrin səbəbinə çevirməyə mərc edir. Bu strategiya Moskvanın rəqiblərinə qarşı son dezinformasiya kampaniyalarında açıq-aydın görünür.

Fransa prezidenti Emmanuel Makron əvvəlcə həyat yoldaşı ilə bağlı şayiələr, daha sonra isə təyyarəni tərk etməzdən əvvəl ona sillə vurulduğu epizod vasitəsilə bu cür səylərin mərkəzində özünü tapıb.

Nigar

Həmçinin oxuyun

TƏCİLİ!Həmin şəxs tutularaq Azərbaycana gətirilir

XƏBƏRDARLIQ: yağış yağacaq, şimşək çaxacaq 

Artan pensiyalarla bağlı AÇIQLAMA

Bu rayonlardan Bakıya gələnlərə pis xəbər — Qadağa qoyula bilər