Qaynar xətt:

(+99450) 247 90 86

MAQATE İsrailin zərbələrindən sonra İranın nüvə obyektindəki vəziyyətlə bağlı hesabat yayıb

DÜNYA

117

17.06.2025, 17:10

Beynəlxalq Atom Enerjisi Agentliyi (MAQATE) İsrailin İranın Natanz şəhərindəki nüvə obyektinə endirdiyi zərbələrdən sonra yeraltı uranın zənginləşdirilməsi salonlarına təsirlərin izlərini aşkar edib.

Oxu24.com  xəbər  verir   ki, bu barədə agentliyin X sosial şəbəkəsindəki səhifəsində məlumat verilib.

“Cümə günü hücumlardan sonra toplanmış yüksək ayırdetməli peyk şəkillərinin davam edən təhlili əsasında MAQATE Natanzdakı yeraltı zənginləşdirmə obyektlərinə birbaşa təsir göstərən əlavə elementlər müəyyən edib”, - deyə məlumatda bildirilir.

MAQATE qeyd edib ki, İsfahan və Fordo üzrə hesabatlarda heç bir dəyişiklik yoxdur.

Bir gün əvvəl Beynəlxalq Atom Enerjisi Agentliyinin baş direktoru Rafael Qrossi bildirmişdi ki, İsrailin İranın nüvə obyektlərinə endirdiyi zərbələr nəticəsində Natanzdakı obyekt ən çox zərər görüb.

O bildirib ki, yerüstü uranın zənginləşdirilməsi obyekti tamamilə məhv edilib. Bundan əlavə, elektrik qurğusuna, paylayıcı qurğulara və elektrik kommunikasiyalarına demək olar ki, tam ziyan dəyib.

Nigar