Qaynar xətt:

(+99450) 247 90 86

İran Xarici İşlər Nazirliyi İsrailin cəzasız qaldığını bildirib

DÜNYA

137

16.06.2025, 12:14

Qərb və ABŞ-ın İsrailə dəstəyi beynəlxalq sülh və təhlükəsizliyə böyük təhlükə yaradır.

Oxu24.com   xəbər verir ki, bunu İran Xarici İşlər Nazirliyinin rəsmi nümayəndəsi İsmail Bəqayi bildirib.

“Rejiminin cəzasız qalması və onun ABŞ və Qərb ölkələrindən aldığı hərtərəfli dəstək beynəlxalq sülh və regional təhlükəsizliyə misli görünməmiş təhlükəyə çevrilib”, o deyib.

Bəqayi qeyd edib ki, İsrail İrana hücum etməklə BMT Nizamnaməsinə və beynəlxalq hüquqa qarşı müharibə elan edib.

İyunun 13-nə keçən gecə İsrail İranın nüvə və hərbi obyektlərinə zərbələr endirərək “Yüksələn Aslan” əməliyyatına başlayıb. Hücumlar nüvə silahının inkişafı ilə bağlı infrastrukturu, eləcə də yüksək rütbəli hərbçiləri hədəf alıb.

Artıq həmin gün axşam saatlarında İslam İnqilabı Keşikçiləri Korpusu “Doğru vəd-3” əməliyyatının başladığını elan edərək İsrailə raket zərbələri endirib. Tehran İsrailin hərbi infrastrukturuna, o cümlədən hava bazalarına və digər strateji obyektlərə irimiqyaslı zərbələr endirəcəyini vəd edib.

Nigar