Qaynar xətt:

(+99450) 247 90 86

İran parlamentində mühüm müzakirə

DÜNYA

116

16.06.2025, 11:41

İran parlamentinin üzvləri iyunun 16-da keçirilən plenar iclasda İsraillə münaqişə şəraitində ölkənin silahlı qüvvələrinin gücləndirilməsi haqqında qanun layihəsini müzakirə ediblər.

Oxu24.com  xəbər  verir   ki,  bu barədə “Mehr” agentliyi məlumat yayıb.

Nəşr bildirir ki, sessiyada silahlı qüvvələrin “İsrail cinayətləri və təcavüzü” ilə hərtərəfli qarşıdurmada gücləndirilməsi haqqında qanun layihəsi səslənib.

Bundan əvvəl İran silahlı qüvvələrinə daxil olan İslam İnqilabı Keşikçiləri Korpusu İsrail tamamilə məhv edilənə qədər ona qarşı əməliyyatları davam etdirmək niyyətində olduğunu açıqlamışdı.

İyunun 13-nə keçən gecə İsrail İrandakı nüvə və hərbi obyektlərə hücum edərək, “Rising Lion” əməliyyatına başlayıb. Zərbələr nüvə silahının inkişafı ilə bağlı infrastruktura, eləcə də iranlı generalların yerləşdiyi ərazilərə endirilib.

Həmin gün axşam saatlarında İslam İnqilabı Keşikçiləri Korpusu “Əsl vəd – 3” adlı cavab əməliyyatının başladığını elan edib. İsrailə qarşı raket zərbələri endirilib. Yerusəlim də daxil olmaqla bir sıra şəhərlərdə hava hücumu sirenləri səslənib. Hər iki ölkədəki zərbələr nəticəsində onlarla insan yaralanıb.

Nigar