ABŞ Konqresi Trampın Ukrayna siyasəti ilə bağlı fikir ayrılığına düşüb

ABŞ Konqresində respublikaçı senatorların müdafiə naziri Pit Heqseti kəskin tənqid etdiyi dinləmələr keçirilib. Buna səbəb Donald Tramp administrasiyasının Ukraynadakı müharibənin sülh yolu ilə həlli naminə Rusiya ilə təmasları gücləndirmək istəyi olub.

Oxu24.com  xəbər  verir   ki, bu barədə “Politico” məlumat yayıb.

Daha əvvəl Heqsetin təyinatının əleyhinə səs verən azsaylı respublikaçılardan biri olan senator Mitch McConnell xüsusilə sərt danışıb.

Müdafiə büdcəsi ilə bağlı dinləmələrdə o, Ağ Evin xarici siyasət kursunu açıq şəkildə şübhə altına aldı.

"Amerikanın reputasiyası təhlükə altındadır. Biz müttəfiqlərimizin demokratiyalarını avtoritar təcavüzkarlardan müdafiə etməyə hazırıqmı?",-deyə   McConnell bildirib.

Senator Ukraynanın məğlubiyyətinin Amerika diplomatiyasına zərbə olacağı ilə bağlı xəbərdarlıq edib: “Biz bir gün oyanıb manşetlərdə görmək istəmirik: “Rusiya qalib gəldi, Amerika uduzdu”.

Politico-nun qeyd etdiyi kimi, Makkonnellə Heqset arasındakı toqquşma Respublikaçılar Partiyasının sıralarında dərinləşən xarici siyasət parçalanmasının əyani nümayişi idi. McConnell ABŞ-ın qlobal liderliyini müdafiə edən respublikaçıların ənənəvi “Reyqan” qanadını təmsil edir, Heqset isə milli maraqların üstünlüyünə və “Öncə Amerika” şüarına mərc edən Trampçı xətti təmsil edir.

Dinləmələr zamanı Heqset 2014 və 2022-ci illərdə baş vermiş hadisələri xatırladaraq, Barak Obama və Co Bayden administrasiyalarını Rusiyaya qarşı səmərəsiz siyasətdə ittiham edib. Bundan əvvəl Nümayəndələr Palatasında çıxış edən Heqset Ukraynadan Amerikanın silah almasını nəzərdə tutan Initiative Security Asstance proqramı (USAI) üçün xərclərin azaldılmasını elan edib. 

“Biz hesab edirik ki, danışıqlar yolu ilə sülh yolu ilə nizamlanma Ukrayna, Rusiya və ABŞ-ın maraqlarına uyğundur, xüsusən də bir çox qlobal çağırışlar nəzərə alınmaqla”, - Pentaqonun rəhbəri vurğulayıb.

Nigar

Həmçinin oxuyun

TƏCİLİ!Həmin şəxs tutularaq Azərbaycana gətirilir

XƏBƏRDARLIQ: yağış yağacaq, şimşək çaxacaq 

Artan pensiyalarla bağlı AÇIQLAMA

Bu rayonlardan Bakıya gələnlərə pis xəbər — Qadağa qoyula bilər