Ukrayna və Polşa çətin tarixi məsələlər üzərində işləməkdə davam edir

news/2025_06_11/860491_src_1749651247.jpg

DÜNYA

172

11.06.2025, 18:35

Ukrayna Polşaya Lvovda eksqumasiya işlərinin aparılmasına rəsmi icazə verib.

Oxu24.com xəbər verir ki, bu barədə Ukraynanın Mədəniyyət və Strateji Kommunikasiyalar Nazirliyi məlumat yayıb.

Artıq tərəflər birgə işə başlayıblar: ilk eksqumasiyalar Ternopol vilayətinin Pujniki kəndində baş tutub. İndi oxşar tədbirlərin Polşada - Yureçkova kəndində keçirilməsi planlaşdırılır. Ukrayna axtarış işlərinə yaxın vaxtlarda başlanacağını gözləyir.

Lvovda eksqumasiya 1939-cu ildə keçmiş Zboiska kəndində (indiki Lvovun bir hissəsi) həlak olmuş polşalı əsgərlərin dəfn olunduğu yerlərə təsir edəcək. Hər iki ölkənin hakimiyyət orqanları vurğulayırlar ki, söhbət onların ortaq tarixinin həssas səhifələri - 20-ci əsrin münaqişələri qurbanlarının dəfn olunduğu yerlərlə işləməkdən gedir.

Ukrayna Mədəniyyət Nazirliyi, həmçinin Polşa tərəfi ilə konstruktiv qarşılıqlı fəaliyyət nümunələrini, o cümlədən Dağ monastırında vandalizm aktının birgə pislənməsini və qazıntı işlərinə icazələrin ləğv edildiyi iddia edilən dezinformasiyaya qarşı mübarizəni qeyd edib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

“Ortaq yaddaş və bir-birinə doğru addımlar xalqlarımızı ortaq Avropa gələcəyi naminə birləşdirəcək”, - nazirlikdən bildirilib.

Polşa əvvəllər dəfələrlə Volın faciəsi - İkinci Dünya Müharibəsi zamanı Ukrayna Üsyan Ordusu və Polşa Daxili Ordusu tərəfindən həyata keçirilən etnik təmizləmə qurbanlarının qəbirdən çıxarılması məsələsini qaldırıb. 2025-ci ilin yanvarında Polşanın baş naziri Donald Tusk eksqumasiyaya başlamaq üçün razılaşmaların əldə edildiyini açıqladı. Daha sonra Ukrayna Xarici İşlər Nazirliyi apreldə başlayan Ternopil vilayətində işləri həyata keçirməyə hazır olduğunu təsdiqləyib.

Nigar