Qaynar xətt:

(+99450) 247 90 86

Gürcülər NATO-dan inciyiblər

DÜNYA

99

10.06.2025, 12:38

Gürcüstanın NATO-ya üzvlük yolunda üzərinə düşən bütün öhdəlikləri yerinə yetirməsinə baxmayaraq, alyans konkret addımlarla deyil, vədlərlə cavab verib.

Oxu24.com   xəbər  verir    ki, bunu ölkə parlamentinin spikeri Şalva Papuaşvili NATO-nun Tbilisidəki əlaqələndirmə ofisinin son bəyanatını şərh edərkən deyib.

O qeyd edib ki, bəyanatın konteksti qeyri-müəyyəndir: "Biz 2008-ci ildə Buxarest Sammitində "Gürcüstan NATO-ya üzv olacaq” deyiləndə hələ doğulmamış nəsil yetişdirmişik. Bu gün bu nəsil məktəbi bitirir, lakin biz hələ də NATO-nun real nəticələrini görmürük. Gürcüstan özünün etibarlı tərəfdaş olduğunu hər şəkildə sübut edib.

NATO-ya üzv ölkələr bəzi missiyalardan, xüsusən də Əfqanıstandakı missiyalardan çəkinəndə Gürcüstan 1000-1500 əsgər göndərərək ən böyük kontingentlərdən birində iştirak etdi. Halbuki Baltikyanı ölkələr cəmi 30-40 əsgər göndərirdilər və əsasən qərargahlarda təmsil olunurdular”.

Papuaşvili əlavə edib ki, NATO hələlik Gürcüstana üzvlük yol xəritəsi təqdim etməyib və bu, alyansın real qərarlar qəbul etməyə nə dərəcədə hazır olması ilə bağlı suallar yaradır.

Qeyd edək ki, NATO-nun Gürcüstandakı Koordinasiya Ofisi bu gün yaydığı bəyanatda Buxarest və ondan sonrakı sammitlərin qərarlarına sadiqliyini, həmçinin Gürcüstanın gələcəkdə alyansa üzv olacağı faktını bir daha təsdiqləyib.

Nigar