Çin səfiri Azərbaycana vizasız gediş-gəlişlə bağlı danışdı

news/2025_06_10/cin_sefiri_1749539327.jpg

DÜNYA

125

10.06.2025, 11:07

Çinin Azərbaycandakı səfiri Lu Mey Azərbaycanın işğaldan azad edilmiş ərazilərinə gözlənilən səfərini açıqlayıb.

Oxu24.com xəbər verir ki, bu bəyanat iyunun 10-da birinci Beynəlxalq Sivilizasiyalararası Dialoq Gününə həsr olunmuş tədbir çərçivəsində verilib.

“Bu həftə sonu Çin Kommunist Partiyasının nümayəndəsi kimi Yeni Azərbaycan Partiyasının təşkil etdiyi Beynəlxalq Partiyalararası Konfransda iştirak etmək üçün Şuşa şəhərinə gedəcəyəm”, - deyə səfir qeyd edib.

Lu Mei Çinin Azərbaycanın 4-cü ən böyük ticarət tərəfdaşı və 2-ci ən böyük ixracatçısı kimi mövqeyini ardıcıl olaraq qoruduğunu vurğulayıb.

"Azərbaycanın statistikasına görə, 2025-ci ilin yanvar-aprel aylarında ikitərəfli ticarət dövriyyəsi 1,4 milyard dollar təşkil edib ki, bu da ötən ilin eyni dövrü ilə müqayisədə 37% çoxdur. Müsbət dinamika davam edir. Çin Azərbaycanın dördüncü ən böyük ticarət tərəfdaşı və ikinci ən böyük ixracatçısı olaraq qalır. Biz həmçinin Çinin elektron ticarət platforması vasitəsilə Azərbaycan mallarının satışının genişləndirilməsini dəstəkləyirik".

Səfir əlavə edib ki, hər iki ölkənin agentlikləri yaşıl enerji, iqtisadiyyat və infrastruktur kimi sahələrdə əməkdaşlığın dərinləşdirilməsi üçün yeni təşəbbüslər üzərində fəal işləyir.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Bundan əlavə, Lu Mei Çin və Azərbaycan arasında vizasız rejim sazişinin həyata keçirilməsində irəliləyişlər barədə məlumat verib. "2025-ci ilin yanvar-aprel aylarında Azərbaycanda çinli turistlərin sayı ötən illə müqayisədə 70% artıb. Vizasız rejimin tətbiqi bu axını daha da artıracağı gözlənilir. Artıq tərəflər bu sazişin ratifikasiyası və həyata keçirilməsi üçün addımlar atır".

Diplomat hazırda iyunun 10-da qeyd olunan Sivilizasiyalararası Beynəlxalq Dialoq Gününün təsis edilməsi ilə bağlı qətnaməni dəstəklədiyinə görə Azərbaycana və digər 82 ölkəyə də minnətdarlığını bildirib.

Nigar