Qaynar xətt:

(+99450) 247 90 86

Tramp Hizbullahsız Livana mərc edir

DÜNYA

130

14.05.2025, 13:55

ABŞ prezidenti Donald Tramp deyib ki, Livanın şiə Hizbullah hərəkatının ölkənin daxili və xarici siyasətinə təsirindən xilas olmaq şansı var.

Bu sözləri onun Ər-Riyadda ABŞ-Körfəz Əməkdaşlıq Şurasının sammitində çıxışı zamanı deyib.

Tramp ümid etdiyini bildirib ki, Livanın yeni rəhbərliyi Hizbullahın nəzarətindən azad edilmiş effektiv dövləti yenidən qura biləcək.

"Yeni prezident və baş nazir effektiv Livan dövlətini yenidən qura bilsələr, Livanda Hizbullahın təsirindən azad gələcək üçün yeni bir şans var. İndi qonşuları ilə sülh şəraitində çiçəklənəcək Livan qurmaq fürsəti var. "Düşünürəm ki, hər şey həqiqətən dəyişəcək", - Tramp vurğulayıb.

Amerika lideri mart ayında təyin olunan ABŞ-ın Livandakı yeni səfiri Mişel İssaya böyük ümidlər bəslədiyini də qeyd edib. Livan əsilli amerikalı sahibkar və investor olan İssanı Tramp “prezidentin dostu” adlandırıb.

Bu arada Livan prezidenti general Cozef Aun daha əvvəl bildirib ki, Hizbullah üzvləri gələcəkdə ölkənin silahlı qüvvələrinə daxil ola bilərlər. Onun sözlərinə görə, Hizbullah rəhbərliyi ilə münasibətlər müsbət və birbaşa olaraq qalır və şiə milisləri Livan ordusunun ölkənin cənub bölgələrindəki hərəkətlərinə mane olmur.

Nigar