Qaynar xətt:

(+99450) 247 90 86

Pakistan Hindistanla atəşkəs razılaşmasına əməl edəcəyinə söz verib  

DÜNYA

173

13.05.2025, 18:05

Pakistan Hindistanın "Sindoor əməliyyatı"ndan sonra əldə edilən atəşkəsə "sadiq qalacağını" və regional sabitlik üçün lazımi addımları atmaqda qərarlı olduğunu bildirib.

Oxu24.com xəbər verir   ki,  Pakistan Xarici İşlər Nazirliyi Sindoor əməliyyatı və atəşkəslə bağlı açıqlama verib.

İki ölkə arasında atəşkəsin “vasitəçi qismində çıxış edən dost ölkələrin töhfəsi ilə” əldə edildiyi bildirilən bəyanatda əlavə edilib: “Pakistan bu yaxınlarda əldə edilmiş atəşkəs razılaşmasına əməl etmək və regional sabitlik üçün lazımi addımları atmaqda qərarlıdır”.

"Hindistanın mövqeyinin bölgədəki sabitliyi sarsıtdığına" diqqət çəkən bəyanatda Pakistanın Hindistana verdiyi cavabın "qanuni müdafiə hüququna uyğun" olduğu qeyd edilib.

Hindistanın hücumu və toqquşmaları

Aprelin 22-də Pahalqam rayonunda 26 nəfərin ölümü ilə nəticələnən terror aktına cavab olaraq Hindistanın mayın 6-da Pakistan ərazisinə və Pakistanın nəzarətində olan Azad Kəşmir bölgəsinə raket zərbələri endirməsindən sonra tərəflər arasında qarşıdurma baş verib.

İki ölkə ABŞ-ın vasitəçiliyi ilə mayın 10-da atəşkəs elan edilib.

Nigar