Qaynar xətt:

(+99450) 247 90 86

İtaliyada güclü zəlzələ baş verib

DÜNYA

149

13.05.2025, 15:59

Çərşənbə axşamı günorta İtaliyanın Neapol şəhərində 4,4 bal gücündə zəlzələ baş verib.

Oxu24.com  xəbər verir   ki, bu barədə İtaliyanın Milli Geofizika və Vulkanologiya İnstitutunun (Ingv) saytında məlumat verilib.

İlk zəlzələnin ardınca 3,5 bal gücündə yeni təkan olduğu bildirilir.

Ingv-in məlumatına görə, böyük vulkanik bölgə olan Fleqrean Yataqlarında güclü seysmik aktivlik qeydə alınır.

Bu ilin mart ayının ortalarında oxşar hadisə baş verdi.

Cari təkanların episentri Neapolun qərbində, onun ətraf ərazilərində yerləşir. Yerli sakinlər zəlzələləri aydın hiss ediblər. Yerli “Mattino” qəzetinin məlumatına görə, hakimiyyət orqanları insanların təhlükəsizliyini təmin etmək üçün Neapol II Federiko Universitetini və bir neçə məktəbi boşaldıb.

Mayın 13-nə keçən gecə Fövqəladə Hallar Nazirliyi Kamçatkada Avaça körfəzi sularında 5,1 bal gücündə zəlzələnin baş verdiyini bildirib. Zəlzələnin ocağı 58 kilometr dərinlikdə, rayon mərkəzindən 73 kilometr aralıda yerləşib.

Bundan əvvəl Venesuela sahillərində zəlzələ baş verib.

Nigar