50 il işləyə bilən batareyalar satılacaq

DÜNYA

255

01.05.2025, 09:10

Çində yerləşən texnologiya startapı "Betavolt" enerji sahəsində inqilabi yeniliklə çıxış edib.

Oxu24.com xəbər verir ki, şirkət 50 il ərzində şarj və texniki xidmət olmadan işləyə bilən atom enerjili batareyanın kütləvi istehsalına başladığını açıqlayıb.

Bu texnologiya gələcəkdə mobil telefonlardan kosmik qurğulara qədər bir çox sahədə tətbiq edilə bilər.

Hazırda "BV100" modeli adı ilə təqdim olunan batareya cəmi 15x15x15 mm ölçüsündədir. Bu kiçik akkumulyator 100 mikrovat güc və 3 volt gərginlik təmin edir. Enerji mənbəyi isə nikel-63 izotopunun radioaktiv parçalanmasıdır. Batareyada yerləşdirilən kristal yarımkeçirici materiallar vasitəsilə 3300 meqavat-saat enerji saxlana bilir - bu da litium batareyalardan 10 qat daha çox enerji sıxlığı deməkdir.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

"Betavolt"un bildirdiyinə görə, bu batareya gələcəkdə tibbi cihazlardan tutmuş hərbi texnologiyalara, uzaq rabitə sistemlərindən tutmuş kosmik aparatlara qədər müxtəlif sahələrdə istifadə edilə bilər. Hazırda "BV100" modeli noutbuk və ya smartfon kimi cihazları enerji ilə təmin edə bilmir, lakin daimi enerji tələb edən dron və kiçik avadanlıqlar üçün tam uyğundur.

Şirkət 2025-ci ilin son rübünə qədər 1 vatt gücündə yeni modelin təqdimatını nəzərdə tutur. Bu texnologiyanın inkişafı ilə enerji sektoru və gündəlik istifadə edilən cihazlarda "şarj" anlayışının aradan qalxması mümkün görünür.