Qaynar xətt:

(+99450) 247 90 86

Bu kənddə uşaqlar dərsə atla gedirlər — Sinifləri bağlanıb,yolları da yoxdur (VİDEO)

news/2025_12_13/whatsapp_image_2025_12_13_at_154943_1765630874.jpeg

OXU24 TV

272

13.12.2025, 16:55

Yardımlının  Şıxlar kəndindən olan bir qrup şəxs  kənd  tam orta məktəbinin  10-cu sinfinin  bağlanması və şagirdlərin çıxılmaz durumda qalması barədə məlumat vermişdik.

Məsələ ilə bağlı bir qrup valideyn və şagirdin Elm və təhsil naziri Emin Əmrullayevə müraciət etməsi və "yox" cavabı alması barədə də xəbəri təqdim etmişdik.

Məktəbin 10-cu sinfi bağlandığı üçün şagirdlər əlacsız qalaraq uzaq məsafədə yerləşən digər kəndə getməli olurlar.

Şıxlar kəndinin yollarının olmaması,ərazidə vəhşi heyvanların yaşaması və kəndə maşınların gəlməməsi şagirdlərin işlərini bir qədər də çətinə salıb.

Kənd sakinləri Oxu24.com-a  dərsə gedən uşaqların atlardan istifadə etməsi barədə video görüntüləri təqdim ediblər.

Çətin durumda qalan valideynlər ölkə rəhbərindən kömək istəyiblər.

Lənkəran-Astara Regional Təhsil İdarəsi şagird sayının az olmasını əsas gətirərək bağlanmış sinfin açılmasına icazə vermir.

Xatırladaq ki,Yardımlının Şıxlar kənd orta  məktəbinin  10-cu sinfi bağlandığından valideynlər məcbur qalıb uşaqlarını uzaqda yerləşən qonşu Azər Məmmədov adına Çanaqbulaq kənd tam orta məktəbinə yerləşdirdilər.

Valideynlər - Rəfiyev Möhübbət,Əsgərov Nəsib,Kamilov Əlif,Yaqubov Fərasim,Bağışov Nəsimi və  şagirdlər Rəfili İsmayıl,Əsgərli Mikayıl,Kamilov Rihad,Yaqublu Fərasim,Bağışova Safra müraciətlərində  Yardımlı rayon,Şıxlar kənd M.T.Zamanov adına tam orta məktəbinin 10-cu sinfinin yenidən  açılmasını istəyiblər.

Hazırladı: Miri Məcidli