18–24 yaşlı gənclər arasında cinayətlərin statistik mənzərəsi—RƏQƏMLƏR NƏ DEYİR?  

Azərbaycan Respublikası Dövlət Statistika Komitəsinin rəsmi statistik cədvəlinə əsasən, Azərbaycanda 18–24 yaşlı gənclər tərəfindən törədilən cinayətlərin sayı illər üzrə müxtəlif dinamika nümayiş etdirib. Məlumatlar göstərir ki, 1995-ci ildə bu yaş qrupu üzrə qeydə alınan cinayətlərin ümumi sayı 3 min nəfərdən çox olub. Sonrakı illərdə müəyyən azalma müşahidə edilsə də, 2000-ci illərin ortalarından etibarən göstəricilərdə yenidən artım tendensiyası nəzərə çarpır.

Oxu24.com  xəbər verir ki, cədvələ əsasən, gənclər arasında ən çox qeydə alınan cinayət növü oğurluq olub.

Məsələn, ayrı-ayrı illərdə oğurluq faktlarının sayı 300–500 aralığında dəyişib. Bu isə gənclər arasında mülkiyyət əleyhinə cinayətlərin üstünlük təşkil etdiyini göstərir.

Statistikada narkotik vasitələrin və psixotrop maddələrin qanunsuz dövriyyəsi ilə bağlı cinayətlər də diqqət çəkir. 1990-cı illərin sonu ilə müqayisədə 2010-cu illərə doğru bu sahədə qeydə alınan cinayətlərin sayında kəskin artım müşahidə olunur. Bəzi illərdə bu göstərici 300 nəfərdən çox olub.

Bundan başqa, soyğunçuluq və quldurluq cinayətləri də cədvəldə yer alır. Bu növ cinayətlərin sayı illər üzrə dalğavari dəyişsə də, ümumi tendensiya sabit qalmaqla müəyyən dövrlərdə artım göstərib. Qəsdən sağlamlığa ağır zərər vurma halları isə digər cinayət növləri ilə müqayisədə daha az qeydə alınıb.

Cədvəldə göstərilən məlumatlara əsasən, bəzi illərdə 18–24 yaşlı gənclər arasında cinayət törədənlərin ümumi sayı 3 300 nəfərə qədər yüksəlib, bəzi dövrlərdə isə bu göstərici 2 000 nəfərdən aşağı düşüb. Bu dəyişkənlik sosial-iqtisadi vəziyyət, məşğulluq imkanları və gənclərin sosial mühitdə üzləşdiyi problemlərlə əlaqələndirilir.

Həmçinin oxuyun

İranın Ali Rəhbəri ilk dəfə DANIŞDI: Qonşu ölkələrə zərbələr endirəcəyini dedi

Azərbaycanda yeni avtobus kartları istifadəyə verilir – Ekspertdən mühüm açıqlama  

Yüksək vəzifələrə təyinatlar oldu   —  Yeni rəis KİMDİR?

Bank bağlanırsa,kredit borcu da ləğv olunur? - AÇIQLAMA 

Mütəxəssislər hesab edirlər ki, statistik göstəricilər gənclərlə bağlı preventiv tədbirlərin gücləndirilməsinə ehtiyac olduğunu açıq şəkildə ortaya qoyur. Xüsusilə narkotik və mülkiyyət əleyhinə cinayətlərin artımı gənclər arasında maarifləndirmə və sosial dəstək mexanizmlərinin vacibliyini ön plana çıxarır.

Çimnaz Telmanqızı