Respublikanın ən gənc prorektoru Hidayətli kimdir? - DOSYE

news/2025_12_13/1000221839_1765653158.jpg

CƏMİYYƏT

727

13.12.2025, 23:47

Azərbaycanın ən gənc 30 yaşlı prorektoru Güldanə Hidayətli kimdir?

Oxu24.com uğurlu fəaliyyəti ilə seçilən şəxslərlə bağlı silsilə yazılarını təqdim edir.

Bu dəfə 30 yaşlı prorektoru Güldanə Hidayətli barədə məlumatı təqdim edirik.

Güldənə Hidayətli BANM-ın yetirməsidir.

Hidayətli Güldənə Şahin qızı 1995-ci ildə Qəbələ rayonunda anadan olub. 12 yaşına qədər valideynlərilə Rusiyada yaşayıb və ilk təhsilini orada alıb.

Sonra ailəsi Bakıya köçüb. Orta məktəbi bitirdikdən sonra Bakı Ali Neft Məktəbinə (Heriot Vatt Universiteti ilə ikili diplom proqramı) kimya mühəndisliyi ixtisasına qəbul olunub. Bakalavr təhsilini tamamladıqdan sonra yenidən BANM-da MBA ixtisası üzrə magistr təhsili alıb.

O, əmək fəaliyyətinə BANM-da başlayıb. G.Hidayətli BANM-ı bitirəndən sonra rəhbərliyin tövsiyəsilə burada fəaliyyətə başlayıb.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

O, əvvəlcə Kefiyyətə təminat şöbəsində əməkdaş, son 5 ildə isə həmin şöbənin müdiri vəzifəsində çalışıb, eyni zamanda BANM-da dərs deyir.

G.Hidayətlinin bu il prorektorluğa təqdimatı BANM-ın rektoru Elmar Qasımov tərəfindən SOCAR rəhbərliyinə verilib və təsdiqlənib.Bakı Ali Neft Məktəbinə (BANM) strateji inkişaf üzrə prorektordur.

O, birinci "Yüksəliş” müsabiqəsinin qalibidir. Ailəlidir, bır qızı var.

"Həmişə çox çalışqan olmuşam və inanıram ki, çalışqan insanlar gec ya tez istədiklərinə nail ola bilirlər. Bir çox hallarda görmüşəm ki, gənclər uğurlu şəxslərə çox şübhə ilə yanaşır, elə düşünürlər ki, onların uğuru onlara heç nədən hədiyyə olunub. Amma bu, belə deyil. Əgər nə istədiyinizi bilir, özünüzə inanır və məqsədiniz üçün hər gün çalışırsınızsa, ona mütləq çatacaqsınız. Buna görə də böyük arzulardan və yüksək məqsədlərdən qorxmayın",-deyə G.Hidayətli "İki Sahilə" müsahibəsində bildirmişdi.

Hazırladı: Nigarxanım