Çin ABŞ-ın zəif nöqtəsini vurdu

DÜNYA

255

07.04.2025, 15:02

Çin ABŞ prezidenti Donald Trampla ticarət müharibəsində nadir torpaq metallarından təsir aləti kimi istifadə edir.

Oxu24.com Bloomberg -ə istinadən xəbər verir ki, ötən həftə Pekin Vaşinqtonun hərəkətlərinə cavab olaraq yeni ixrac məhdudiyyətləri elan edib.

Tramp aprelin əvvəlində 211 ölkə və ərazidən idxal olunan mallara ticarət tarifləri tətbiq edib. Çində ümumi tarif 54%-ə çatıb. Buna cavab olaraq Pekin Amerika mallarına 34% rüsum tətbiq etdi və samarium, terbium, disprosium, skandium və ittrium daxil olmaqla yeddi nadir torpaq elementinin ixracına nəzarəti gücləndirdi.

Birbaşa qadağa olmasa da, Çin səlahiyyətliləri materialları kimin və nə üçün aldığını yaxından izləyəcəklərini söylədi. ABŞ Geoloji Tədqiqat Mərkəzinin hesablamalarına görə, Çin dünyada nadir torpaq metallarının təxminən 70 faizini istehsal edir və Birləşmiş Ştatlar bu tədarüklərə çox güvənir.

Bloomberg qeyd edir ki, bu cür tədbirlər qlobal təchizat zəncirlərini poza bilər, çünki bu metallar elektromobillərdən tutmuş hərbi texnikaya qədər yüksək texnologiyalı məhsulların istehsalında istifadə olunur.

Həmçinin oxuyun

Qaralovlara ağır itki ÜZ VERİB

Öz adına kredit götürüb başqasına verənlərə VACİB XƏBƏR — Məhkəmə təhlükəsi

Bəylər Eyyubovun general qohumu işdən ÇIXARILDI

Yeni general Kəmaləddin Heydərovun xanımının dayısı oğlu imiş -DETALLAR

Çin Ticarət Nazirliyi məhdudiyyətlərin ikili təyinatlı mallara aid olduğunu və "milli təhlükəsizlik, regional sabitlik və sülhün maraqlarına cavab verdiyini" izah etdi. Buna cavab olaraq Donald Tramp Truth Social-da Çinin ABŞ-ın tarifləri ilə bağlı panikaya düşdüyünü və yanlış oynadığını iddia etdi.

Bloomberg-ə müsahibə verən ekspertlər hesab edirlər ki, neodim və praseodimiumun məhdudiyyətlərdən çıxarılması onların sonradan əlavə təzyiq vasitəsi kimi istifadə oluna bilməsi ilə bağlıdır.

Nigar