Cənubi Afrika prezidenti Zelenskinin səfərini gözləyir

Cənubi Afrika Respublikasının Prezidenti Siril Ramafosa Ukrayna Prezidenti Vladimir Zelenskinin rəsmi səfərini gözləyir.

 

Oxu24.com xəbər verir  ki, bu barədə o, X sosial şəbəkəsində məlumat verib.

 

“Mən prezident Zelenski ilə konstruktiv əlaqəni alqışlayıram və onu tezliklə dövlət səfəri üçün Cənubi Afrikada qəbul etməyi səbirsizliklə gözləyirəm”, - Ramafosa yazıb.

 

O, hər ikisinin hərtərəfli sülh prosesinə təcili ehtiyac olduğu barədə razılaşdıqlarını  bildirib.

 

Bütün tərəflər münaqişənin həlli yollarının tapılmasında və davamlı sülhün təmin edilməsində iştirak etməlidir, deyən prezident qeyd edib ki, Cənubi Afrika Rusiya və Ukrayna arasında dialoq prosesini dəstəkləməyə sadiqdir.

 

Bundan əvvəl İtaliyanın xarici işlər naziri və baş nazirin müavini Antonio Tajani bəyan etmişdi ki, BRİKS üzvləri Ukraynadakı münaqişənin həlli üçün sülh konfransında iştirak etməlidirlər.

 

Bundan əvvəl Zelenski ABŞ-la resurslarla bağlı sövdələşmədən danışarkən ölkəni satmayacağını bildirmişdi.

 

Nigar