Taliban amerikalıları azad etdi

Associated Press (AP) çərşənbə axşamı bildirib ki, Taliban hərəkatı məhbus mübadiləsi çərçivəsində iki ABŞ vətəndaşının azad edildiyini elan edib.

“Taliban”ın xarici işlər naziri mübadiləni təsdiqləyərək bildirib ki, adı açıqlanmayan iki ABŞ vətəndaşı 2008-ci ildə iki ömürlük həbs cəzasına məhkum edilmiş Xan Məhəmmədin müqabilində azadlığa buraxılıb”, - məlumatda deyilir.

 

AP xəbər verir ki, çərşənbə axşamı səhər ABŞ Federal Həbsxanalar Bürosu Məhəmmədin artıq həbsxanada olmadığını açıqlayıb. Bundan əvvəl ABŞ Federal Məhkəməsi onu ABŞ-a gətirilən narkotik maddələrin saxlanması, habelə terror fəaliyyətlərində iştirakda təqsirli bilib.

 

Taliban bildirib ki, məhbus mübadiləsi "uzun və səmərəli danışıqların nəticəsidir" və "Əfqanıstan-ABŞ münasibətlərinin normallaşması" istiqamətində bir addım olacaq.

 

Amerikalı məhbuslardan biri olan Ryan Corbettin ailəsi çərşənbə axşamı onun azadlığa buraxıldığını təsdiqləyərək, ABŞ prezidenti Donald Trampa və keçmiş prezident Co Baydenə məhbus mübadiləsini təmin etmək üçün göstərdikləri səylərə görə təşəkkür edib. 2021-ci ildə Əfqanıstanda hakimiyyət dəyişikliyini yaşayan Korbet 2022-ci ilin avqustundan Talibanın nəzarətində idi. İkinci amerikalı məhbusun kimliyi hələlik jurnalistlərə məlum deyil. Vaşinqton hələlik mübadilə ilə bağlı şərh verməyib.

 

Nigar