Zaxarova Makronun Maskla bağlı açıqlamasını tənqid edib

Fransa prezidenti Emmanuel Makronun amerikalı sahibkar İlon Maska qarşı ittihamları ikili standartların nümunəsidir.

Oxu24.com xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Telegram kanalında bildirib.

"Eyni sosial şəbəkə Twitter adlananda və birbaşa seçkilərə müdaxilə etmək üçün istifadə edilməyəndə  Paris buna əhəmiyyət vermədi - bütün gücü ilə bu prosesləri şişirdib dəstəklədi", - XİN sözçüsü vurğulayıb.

O, əlavə edib ki, Fransa hakimiyyəti Avropada miqrasiya böhranı və terror dalğaları şəklində nəticələrdən narahat deyil.

Maskın Almaniyada keçiriləcək parlament seçkilərinə iddia edilən müdaxiləsi ilə bağlı açıqlamasından sonra Zaxarova Makrona ikili standartlara işarə edib. Diplomat sahibkarın Twitter-i əldə etməsindən və sosial şəbəkəni yeniləməsindən sonra Qərb siyasətçilərinin mövqeyinin dəyişməsini tənqid edib.

Bundan əvvəl Makron Fransa səfirləri qarşısında çıxışı zamanı Maskın digər ölkələrdəki seçkilərə müdaxilə etdiyini açıqlamışdı. Siyasətçi iş adamını “yeni mürtəce beynəlmiləl”i dəstəkləməkdə ittiham edib.

 

Nigar