ABŞ-nin hazırkı prezidenti Co Bayden dövlət başçısı vəzifəsini tərk etməzdən əvvəl Amerika vətəndaşlarına iki dəfə müraciət etməyi planlaşdırır.

Oxu24.com xəbər verir ki, bu barədə NBC News məlumat yayıb.

Məlumata görə, yanvarın 12-də Ağ Evin sahibi vida nitqindən ilk çıxışını edəcək. Çıxış xarici siyasətinin nailiyyətlərinə həsr olunacaq. Sonra Bayden ikinci nitqlə çıxış edəcək və orada dövlət qulluqçusu kimi fəaliyyətinə yekun vuracaq. 

Amerikanın seçilmiş lideri Donald Trampın andiçmə mərasimi 2025-ci il yanvarın 20-nə planlaşdırılıb. Ağ Evin mətbuat xidmətinin rəis müavini Endryu Beytsin dediyi kimi , Co Bayden və həyat yoldaşı Cil Bayden seçkidən əvvəl verdikləri vədi yerinə yetirmək və mərasimdə iştirak etmək niyyətindədirlər.