Rusiya hava hücumundan müdafiə sistemləri Rusiyanın iki bölgəsi üzərində səmada Ukraynaya məxsus dörd pilotsuz təyyarəni məhv edib.

Oxu24.com xəbər verir ki,bu barədə Rusiya Müdafiə Nazirliyi məlumat yayıb.

“Moskva vaxtı ilə saat 15:00-dan 18:00-a qədər növbətçi hava hücumundan müdafiə sistemləri Ukraynanın 4 pilotsuz uçuş aparatını məhv edib”, - məlumatda deyilir.

Üç pilotsuz təyyarənin Belqorod vilayəti, digərinin isə Kursk vilayəti üzərində vurulduğu məlum olub. Hələlik itkilər barədə məlumat yoxdur.

Yanvarın 5-də hava hücumundan müdafiə sistemləri iki saat ərzində Rusiya regionları üzərində beş pilotsuz uçan aparatı vurub.

Ümumilikdə, ötən gecə növbətçi hava hücumundan müdafiə sistemləri Rusiya regionları üzərində Ukrayna Silahlı Qüvvələrinə məxsus 61 pilotsuz uçuş aparatını məhv edib. 37 pilotsuz təyyarə Rostov vilayəti, 20-si Bryansk vilayəti üzərində məhv edilib. Bundan əlavə, Belqorod, Voronej və Oryol vilayətləri üzərində düşmən PUA-ları məhv edilib.

Bundan əvvəl Ukrayna Silahlı Qüvvələri Belqorod vilayətində üç yaşayış məntəqəsinə hücum edib.

Nigar