İspaniya hakimiyyəti 2025-ci ilin aprelində “qızıl viza” proqramını ləğv edəcək.

OXU24.COM  xəbər verir ki, bu barədə rəsmi dövlət qəzetində dərc olunan məlumatda bildirilir.

Sənədə əsasən söhbət investisiya müqabilində yaşayış icazəsindən gedir:

“İnvestorlar üçün bu keçid müddəasının qüvvəyə mindiyi tarixdə qüvvədə olan vizalar və icazələr onların verildiyi müddət ərzində qüvvədə qalacaq”.

Qeyd olunur ki, düzəlişlər qüvvəyə minməmişdən əvvəl ərizə vermiş investorlar müraciət zamanı qüvvədə olan qaydalara uyğun olaraq viza ala bilərlər.

“Qızıl viza” əldə etmək üçün ən çox yayılmış variant minimum 500 min avro dəyərində daşınmaz əmlakın alınmasıdır. Digər variantlara İspan şirkətlərinin səhmlərinə 1 milyon avro və ya İspaniya dövlət qiymətli kağızlarına 2 milyon avro investisiya etmək daxildir.