İstanbul boğazında gəmilərin hərəkəti bir neçə saatlıq dayandırılıb.

OXU24.COM  xəbər verir ki, bu barədə Türkiyənin Nəqliyyat Nazirliyinin məlumatında qeyd olunub.

Məlumata görə, buna səbəb bir aydan çoxdur boğaz sularında itən bacı və qardaşın axtarışları olub.

“Dənizə düşən bacı və qardaşın axtarışları çərçivəsində gəmilərin Bosfor boğazından tranziti hər iki istiqamətdə dayandırılıb”, - deyə məlumatda bildirilir.

Xatırladaq ki, noyabrın 23-də Sarıyer bölgəsində Ayşə Can dənizə yıxılıb, bacısını xilas etməyə çalışan qardaşı Velat onun arxasınca qaçaraq suya düşüb. 40 gündən artıq aparılan axtarışlara baxmayaraq, itkin düşənlər hələ də tapılmayıb.