Səudiyyə Ərəbistanı Daxili İşlər Nazirliyi krallığa narkotik keçirməyə cəhddə ittiham olunan 6 İran vətəndaşına qarşı ölüm hökmü çıxardığını bildirib.

Oxu24.com xəbər verir ki,bu barədə “Anadolu” məlumat yayıb.

“İran vətəndaşları Qasim Məhəmməd Şabani, Əbdürrza Yunus Tenkasiri, Xəlil Şəhid Səmri, Məhəmməd Cavad Əbdülcəlil, Mehdi Kənan Qanimi və Hur Məhəmməd Şabani krallığa narkotik keçirməyə cəhd ediblər”, – Səudiyyə Ərəbistanının rəsmi xəbər agentliyi SPA Daxili İşlər Nazirliyinə istinadən bildirib. .

Açıqlamada aydınlıq gətirilir ki, təqsirləndirilən şəxslər saxlanılaraq, məhkəmənin hökmü ilə təqsirli bilinərək ölüm cəzasına məhkum ediliblər.

İranın dövlət xəbər agentliyi İRNA-nın məlumatına görə, İran Xarici İşlər Nazirliyi Səudiyyə Ərəbistanının Tehrandakı səfiri Abdullah bin Səud əl-Anezini edamlarla bağlı “sərt ifadəli” etiraz notası təqdim etmək üçün çağırıb.

Nigar