Rusiya qazının Ukrayna ərazisindən tranzitinin dayandırılmasına görə Avropa İttifaqı (Aİ), Kiyev və ABŞ səlahiyyətliləri məsuliyyət daşıyır.

Oxu24.com xəbər verir ki,bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

“Rusiya qazının tədarükünün dayandırılmasına görə məsuliyyət tamamilə ABŞ-ın, marionet Kiyev rejiminin, eləcə də Amerika iqtisadiyyatına maliyyə dəstəyi naminə öz vətəndaşlarının rifahını qurban verən Avropa dövlətlərinin hakimiyyətinin üzərinə düşür”,bəyanatda deyilir.

Zaxarova vurğulayıb ki, Vaşinqton “Köhnə Dünyanın enerji bazarının yenidən bölüşdürülməsindən” faydalanan və Ukrayna böhranının əsas sponsorudur. O qeyd edib ki, onların ilk qurbanı Almaniya olub, o, təbii qazı xeyli baha qiymətə almaq məcburiyyətində qalıb və “Şimal axını” və “Şimal axını 2” qaz kəmərlərinin partladılmasından sonra ən böyük hasilat obyektlərini ixtisar etməyə başlayıb.

Bundan əvvəl Rusiya prezidenti Vladimir Putin Ukrayna ərazisindən Avropaya qaz tranziti ilə bağlı müqavilənin uzadılmayacağını bildirib. O qeyd edib ki, bu qərarın təşəbbüskarı Ukrayna tərəfidir, Rusiya isə müqavilənin uzadılmasının əleyhinə deyil.

Nigar