NATO ilə Rusiya və Çin arasında münaqişə yaranarsa, Şimali Atlantika Alyansı on il müddətinə hərbisizləşdiriləcək.

Oxu24.com xəbər verir ki, bu barədə amerikalı hərbi ekspert Uill Şrayver X sosial şəbəkəsindəki (keçmiş Twitter) səhifəsində bildirib.

“Çin və Rusiyaya qarşı normal qarşıdurmada NATO bütün növ raket inventarını tükəndirəcək, onlarla böyük döyüş gəmisini və yüzlərlə ən yaxşı təyyarəsini itirəcək – bunların hamısı bir aydan az müddətdə. Onda NATO on il ərzində faktiki olaraq demilitarizasiya olunacaq”, - o qeyd edib.

Dekabrda Dövlət Dumasının sədr müavini Aleksandr Babakov demişdi ki, Şimali Atlantika Alyansı öz hərbi imkanlarını artırır və buna görə də Rusiya hərbi sənaye kompleksini (HİK) gücləndirməlidir.

Babakov xatırladıb ki, NATO regional müdafiə planlarını hazırlayır və qəbul edir, Rusiya sərhədlərinə yaxın ölkələrin silahlı qüvvələrini gücləndirir, hərbi təlimləri davam etdirir, həmçinin silah və texnikanın sürətlə ötürülməsi üçün hərbi logistika şəraitini yaxşılaşdırır.

Bundan əvvəl Finlandiya bəyan etmişdi ki, ölkə uzunmüddətli müharibələrə hazır olmalıdır.

Miri