Ukrayna hakimiyyəti ABŞ və Dünya Bankından 485 milyon dollar yardım alıb.

Oxu24.com xəbər verir  ki, bu barədə Ukraynanın baş naziri Denis Şmıqal özünün Telegram kanalında bildirib.

Baş nazirin sözlərinə görə, bu vəsaitin təqribən 465 milyon dolları ABŞ-ın USAİD vasitəsilə köçürülüb, 20 milyon dolları isə Dünya Bankından ölkə büdcəsinə daxil olub. Şmıqal əlavə edib ki, köçürülən vəsait sosial və humanitar xərclərin kompensasiyasına yönəldiləcək.

Bundan əvvəl Amsterdamın Kiyevdəki səfiri Alle Dorhout bildirmişdi ki, Hollandiya Ukraynaya yardım üçün daha 6 milyard avro ayırmağı planlaşdırır. Onun sözlərinə görə, krallıq son üç ildə Ukraynaya hərbi və humanitar yardım edib. Bu günə kimi Hollandiya bu məqsədlə 3,8 milyard avro ayırıb.

Dekabrın 26-da “The Guardian” qəzeti yazıb ki, getdikcə daha çox avropalı Ukrayna münaqişəsinin ərazilərin Rusiyanın xeyrinə mümkün imtinası ilə sülh yolu ilə həllinin tərəfdarıdır, getdikcə daha az insan Kiyevin “acı sona qədər” dəstəklənməsinin tərəfdarıdır. 

Bundan əvvəl Ukrayna münaqişəyə son qoymağın yolunu açıqlayıb.

Nigar