Finlandiya enerji kabelini zədələməkdə şübhəli bilinən tankerin yükünü saxlayıb

Finlandiya Gömrük Xidməti Baltik dənizinin dibində enerji kabelini zədələməkdə şübhəli bilinən “Eagle S” tankerinin yükünü saxlayıb.

Oxu24.com xəbər verir  ki, bu barədə TASS Finlandiya polisinin məlumatlarına istinadən məlumat yayıb.

Gömrük xidməti gəmidə daşınan yanacaq yükünü saxlayıb”, - deyə məlumatda bildirilir.

Qeyd olunur ki, Finlandiya ağırlaşdırıcı şəraitdə mümkün qanun pozuntusu ilə bağlı ilkin araşdırmanı davam etdirir.

Dekabrın 25-də Estoniya və Finlandiya arasında Estlink 2 elektrik kabeli Baltik dənizində sıradan çıxıb. Bundan sonra Baltik dənizində Finlandiya sərhəd xidməti Sankt-Peterburqdan çıxan Eagle S neft tankerini saxlayıb.

Dekabrın 27-də kabel təmir edən Telepaatti gəmisi Finlandiyanın Turku limanından Estlink 2 sualtı kabelinin zədələndiyi yerə yola düşüb.

Bundan əvvəl Aİ Baltik dənizində baş verən insidentlə əlaqədar “Rusiya Federasiyasının kölgə donanmasına” qarşı sanksiyalar elan etmişdi.

 

Miri