Rusiyanın hava limanlarında nə baş verir?

Müvəqqəti olaraq təyyarələri qəbul etməyən və göndərməyən Soçi və Kazan şəhərlərində hava limanlarının fəaliyyətinə qoyulan məhdudiyyətlər müvafiq olaraq Moskva vaxtı ilə saat 9:15-də və Moskva vaxtı ilə saat 10:00-da ləğv edilib.

 

Oxu24.com xəbər verir  ki, bu barədə Federal Hava Nəqliyyatı Agentliyinin (Rosaviasiya) mətbuat katibi Artem Korenyako özünün Telegram kanalında məlumat verib.

Onun sözlərinə görə, hər iki halda mülki hava uçuşların  təhlükəsizliyini təmin etmək üçün məhdudiyyətlər tətbiq edilib.

Dekabrın 27-də səhər tezdən Rusiyanın iki hava limanında  məhdudiyyətlər tətbiq edilib. Söhbət Moskva vaxtı ilə saat 6:40-da təyyarələrin qəbulunu və göndərilməsini bərpa edən Volqoqrad və Həştərxan şəhərlərindəki hava limanlarından gedir.

Həmin gün Kazan və Soçi hava limanları müvəqqəti bağlanıb. Korenyakonun dediyi kimi, onların işinə məhdudiyyətlər Moskva vaxtı ilə saat 5:00 radələrində tətbiq olunmağa başlayıb.

Daha sonra Baza Telegram kanalı Rusiyanın üç hava limanının ərazisində - Qroznı, Mahaçqala və Samara şəhərlərində “Xalça” planının tətbiqi barədə yazıb. Bununla belə, Federal Hava Nəqliyyatı Agentliyinin mətbuat xidməti Samara hava limanının hər zamanki kimi fəaliyyət göstərməsi ilə bağlı məlumatı təkzib edib.

 

Nigar