Çin hökuməti ABŞ hakimiyyətini ABŞ hərbçilərinin Yaponiyaya yerləşdirməsindən sonra kosmosda silahlanma yarışına başlamaqda ittiham edib.

Oxu24.com xəbər verir  ki, bu barədə “South China Morning Post” (SCMP) Çin Müdafiə Nazirliyinin sözçüsü Çjan Syaoqanqın bəyanatına istinadən məlumat yayıb.

"Biz ABŞ-ı kosmos sahəsindəki təhlükəli hərəkətlərini ciddi şəkildə düşünməyə, kosmik qarşıdurmaya təhrik etməyi dayandırmağa və yalan xəbərlər yaymağı dayandırmağa çağırırıq" deyə  Çin müdafiə rəsmisi bildirib.

Çjan Syaoqanq qeyd edib ki, hazırda ABŞ hakimiyyəti öz kosmik potensialını genişləndirməkdə, eləcə də hərbi ittifaqları gücləndirməkdə davam edir. Onun sözlərinə görə, Pekin bu cür hərəkətləri “qlobal strateji sabitliyə təhlükə” kimi qiymətləndirir.

Sentyabrda Zhang Xiaogang bildirib ki, ABŞ sülh üçün təhlükə və silahlı münaqişə mənbəyidir. Onun sözlərinə görə, Birləşmiş Ştatlar Çini "düzgün" qəbul etməli və ölkələr arasında münasibətləri qoruyacaq, həmçinin daha böyük sülh və sabitliyə gətirib çıxaracaq işlər görməlidir.

Bundan əvvəl Çin ABŞ-ın müdafiə büdcəsi layihəsinin təhlükələri barədə xəbərdarlıq etmişdi.

Nigar