Ermənistanın Baş naziri Nikol Paşinyan Ali Avrasiya İqtisadi Şurasının bu gün Sankt-Peterburqda keçiriləcək sammitində videobağlantı vasitəsilə iştirak edəcək.

Oxu24.com  “Sputnik Ermənistan”a istinadən xəbər verir ki, bu barədə məlumatı Kremlin rəsmi sözçüsü Dmitri Peskov açıqlayıb. 

O, sözügedən iclası çox vacib tədbir adlandırıb.

Xatırladaq ki, N.Paşinyan MDB ölkələrinin liderlərinin dekabrın 25-də Sankt-Peterburqda keçirilən qeyri-rəsmi sammitində iştirak etməyib. “Sputnik Ermənistan”ın məlumatına görə, bir neçə gün əvvəl koronavirusa yoluxan Paşinyan iki gün ərzində iqamətgahında karantin şəraitində işləyib. Qeyd olunub ki, dünən onun koronavirus testi mənfi olub və o, adi iş rejiminə qayıdıb.