Bayden və Zelenski uzaqmənzilli raketlərin istifadəsini müzakirə edəcəklər

ABŞ prezidenti Co Bayden Ukrayna dövlət başçısı Vladimir Zelenski ilə Rusiyanın dərinliklərinə zərbə endirmək üçün Qərbin uzaqmənzilli raketlərinin istifadəsinə qoyulan məhdudiyyətlərin aradan qaldırılmasını müzakirə edəcək.

 

Oxu24.com Sky News -a istinadən xəbər verir ki, bunu Ağ Evin müşaviri Ceyk Sallivan deyib.

Sallivan qeyd edib ki, Rusiya Federasiyası ərazisində uzaqmənzilli silahlarla zərbələrin endirilməsinə icazə verilməsi məsələsi ABŞ prezidentinin administrasiyası üçün mübahisəlidir.

Bundan əlavə, ABŞ və Ukrayna liderləri hazırda Ağ Evdə üzərində iş aparılan ABŞ-ın yeni böyük hərbi yardım paketini müzakirə edəcəklər.

Bundan bir qədər əvvəl The Times, Baydenin Ukrayna lideri Vladimir Zelenski qondarma "qələbə" planını təqdim edənə qədər Kiyevə Rusiyanın dərinliklərinə zərbə endirmək üçün uzaqmənzilli raketlərdən istifadə etməyə icazə verməyəcəyini yazmışdı.

Almaniyanın Bild nəşrinə görə, Zelenskinin planı Ukraynanın “müəyyən ərazilərdə” lokal atəşkəsə və münaqişənin müvəqqəti dondurulmasına razılıq verməyə hazır olduğunu nəzərdə tutur. Lakin Ukrayna prezidentinin müşaviri bu xəbərləri təkzib edib.

Bundan əvvəl Zelenski HIMARS-a raket tədarükünün azaldılmasını elan etmişdi.

 

Nigar