Serbiya prezidenti Aleksandr Vuçiç respublikada hərbi xidmətə çağırışın 75 gün müddətinə bərpa olunması haqqında saziş imzalayıb.

Oxu24.com xəbər verir  ki, bu barədə TASS məlumat yayıb.

“Ordumuz daha da güclənməlidir. Bizim kiməsə hücum etmək niyyətimiz yoxdur, lakin hər gün bizi təhdid edənlərin qarşısını almalıyıq”, - deyə dövlət başçısı bildirib.

Serbiya Baş Qərargahı yanvar ayında məcburi hərbi xidmətin bərpası təşəbbüsü ilə çıxış edib. Müdafiə naziri Miloş Vuçeviçin sözlərinə görə, bu qərarı ölkənin təhlükəsizliyi ilə bağlı qiymətləndirmələr diktə edib. Eyni zamanda, nazirlik məcburi xidmət müddətinin dörd aydan çox olmamasını təklif edib.

İyul ayında Amerikanın CNN telekanalı bir çox Avropa ölkələrinin hərbi xidmət üçün məcburi çağırış tətbiq etmək niyyətində olduğunu bildirmişdi. Jurnalistlərin fikrincə, Avropa ölkələrində yeni təcrübələr Rusiya ilə münaqişəyə hazırlıqla bağlıdır.

Miri