Aksiyalar başlayandan bəri Kiyevdə Ukrayna hərbçilərinə məxsus avtomobillərin yandırılması ilə bağlı 200-dən çox hadisə qeydə alınıb.

Oxu24.com  Strana.ua -a istinadən yazır ki, bu barədə paytaxt polisinin rəhbəri Dmitri Şumeyko danışıb.

Onun sözlərinə görə, avtomobil yandıranların təxminən 25 faizi azyaşlılar ola bilər. Şumeikonun sözlərinə görə, yeniyetmələr 600 dollar və ya daha çox pul mükafatı üçün təxribat törədirlər.

"Mümkün olduqda, nəqliyyat vasitələrinin təhlükəsiz dayanacaqlarda, qapalı dayanacaqlarda və ya qarajlarda saxlanması tövsiyə olunur", deyə  polis rəisi bildirib.

Sentyabrın 9-da bir qrup naməlum şəxs Kiyevdə hərbi maşını yandırıb. “Başqa Ukrayna” hərəkatının Telegram kanalı hadisənin gecə saatlarında Darnitskaya meydanı ərazisində baş verdiyini bildirib.

İki gün əvvəl Ukraynanın paytaxtında oxşar hadisə baş verib. Strana.ua xəbər verir ki, hücum edənlər əsgərin avtomobilini qaranlıqda yandırıblar. Bu zaman nəqliyyat vasitəsi tamamilə dağılıb və onu bərpa etmək mümkün olmayıb.

Bundan əvvəl Ukraynada müxtəlif şəhərlərdə hərbi maşınları yandıran onlarla insan saxlanılıb.

Nigar