Türkiyə prezidenti Rəcəb Tayyib Ərdoğan ABŞ-da yerləşən aparıcı qlobal şirkətlərlə görüş keçirəcək.

Oxu24.com  Financial Times-a istinadən xəbər verir ki, görüş sentyabrın 23-də Nyu-Yorkda baş tutacaq. Söhbət Wall Street banklarının, JPMorgan və Goldman Sachs-ın rəhbərlərindən gedir.

Prezident Rəcəb Tayyib Ərdoğan ölkə bazarlarına investor cəlb etmək üçün ABŞ-ın aparıcı iş adamları ilə görüşməyə hazırlaşdığını bildirib. Məlumata görə, Ərdoğanın görüşəcəyi qlobal şirkətlərlə təmaslar Türkiyə-ABŞ İş Şurası tərəfindən davam etdiriləcək.

Goldman Bank-ın Aşağı Manhettendəki qərargahında isə xəzinədarlıq katibi Mehmet Şimşək və Mərkəzi Bankın sədri Fatih Karahanın çıxışları ilə türk investisiya konfransı keçiriləcək. Enerji və Təbii Sərvətlər naziri Alparslan Bayraktar və sənaye naziri Mehmet Fatih Kacirin Türkiyə-ABŞ İş Şurasının və Citigroup-un birgə iclasında çıxışları gözlənilir.

Nigar