Pezeşkian Makronla söhbətində İsraili hədələyib

İran prezidenti Məsud Pezeşkian Fransa lideri Emmanuel Makron ilə telefon danışığı zamanı “İsrailin Livana hücumunun ciddi nəticələri ilə bağlı” xəbərdarlıq edib.

 

Pezeşkian deyib: “Əgər sionist rejim (İsraili nəzərdə tutur) Livana hücum etsə, bu, onun üçün ağır nəticələrə səbəb olacaq böyük səhvə yol verəcək”. Onun sözlərinə görə, İsrail “75 ildən artıqdır ki, Fələstinin işğalı bütün beynəlxalq normaları tapdalayıb”.

 

Pezeşkian həmçinin Fransa ilə münasibətləri “dürüstlük və qarşılıqlı etimad əsasında” qurmağa hazır olduğunu bəyan edib. Öz növbəsində Makron Pezeşkianı prezident seçilməsi münasibətilə təbrik edib və İranla Avropa ölkələri arasında münasibətlərin, o cümlədən Fransa ilə ikitərəfli münasibətlərin yaxşılaşmasına ümid etdiyini bildirib.

 

Miri